|
A partir do próximo curso 2007-08 haberá cambios importantes.
A matrícula realizarase por módulos en lugar de por cursos. É posible matricularse nos módulos que se desexe, sempre e cando non haxa incompatibilidades horarias.
Cada alumno pode decidir se lle interesa cursar os estudos completos obtendo a titulación de Técnico Superior en Administración de Sistemas Informáticos ou simplemente formarse nalgunha área concreta obtendo un certificado acreditativo dos módulos estudados.
As clases de adultos comezarán ás 18:30 e rematarán antes das 23:00 horas. Garantirase a homoxeneidade das franxas horarias en que se imparta cada módulo.
Ó ser menos horas de clase, impartiranse os módulos en tres cursos académicos. O módulo de Formación en Centros de Traballo, no que os alumnos se desprazan a unha empresa da comarca do Morrazo, Vigo ou Pontevedra para completaren os seus estudos, en principio realizaríase nun cuarto ano.
O curso que vén impartiranse pola nova normativa os módulos:
- Redes de Área Local
- Sistemas Informáticos Monousuario e Multiusuario
Cada curso iranse engadindo na oferta modular os módulos correspondentes.
O ciclo está organizado por módulos cunha duración
que se indica na táboa seguinte (a duración total do ciclo é de 2000 horas):
| MODULO |
HORAS |
| Sistemas monousuario e multiusuario |
240 |
| Redes de área local |
265 |
| Fundamentos de programación |
265 |
| Formación e orientación laboral |
55 |
| Relacións no contorno de traballo | 55 |
| Implantación de aplicacións informáticas
de xestión |
185 |
| Desenvolvemento de funcións no sistema
informático |
160 |
| Sistemas xestores de bases de datos |
185 |
| Proxecto integrado |
130 |
| Formación en cetros de traballo |
380 |
|
| 
